"ROCK N'BAND 2022", Segundo Olaeta Musika Eskola Publikoa

Rock N´Band proiektua duela 12 urte jarri zen martxan. Bi asmo nagusi izan ditu kontzertu honek, alde batetik San Juan jaiak musikaz zipriztindu eta bestalde, “Segundo Olaeta” Musika Eskola Publikoko ikasturte bukaerako kontzertu ezberdin eta ikusgarri bat eskaintzea Gernika-Lumoko herritarrei.

Ikuskizunari dagokionez, Musika Eskolako Musika Bandak bere soinuak nahasten ditu eskolako Rock talde batekin. Ezinezkoa dirudien ezkontza horren emaitza ikusgarria da, musika sinfonikoa eta instrumentu elektrikoek bat egiten dute abeslari ezberdinen laguntzarekin. Ikuskizuna borobiltzeko Ross dantza eskolak bere kutsua ipiniko du kanta ezberdinak koreografiatuz.

Azken urteotan, San Juan Ibarra Plazan sutan eta jendez gainezka ipini du Rock N´Band proiektuak. Aurton, aurreko urteetako arrakasta errepikatzeko asmoz, besteak beste QUEEN, BRUNO MARS, COTI, IRON MAIDEN, MIGUEL RIOS, OZZY OSBOURNE edo AMY WINEHOUSE solisten eta taldeen kantak era ezberdin batean joko dituzte. 

Partehartzaileak:

• “Segundo Olaeta” Musika Eskola Publikoko Banda Sinfonikoa, Konboa eta abeslariak.
• Ross Dantza Eskola 

Zuzendaria: Artur Sustatxa

• San Juan Ibarra Plazan
• Ekainak  24, ostirala
• 22:00etan
• Erantsita doakizue kontzertuko kartela eta egitaraua.