Gabonak iritsi dira eta Segundo Olaeta Musika Eskolak, hainbeste denbora igaro ondoren, ikasleen lana lehen aldiz Lizeo Antzokian eta Elai-Alai Aretoan zuzenean aurkeztu ahal izango du .
Gabonetako Konztertuak abenduaren 21ean eta 22an izango dira, aipatu bezala eta betiko moduan, Elai-Alai Aretoan eta Lizeo Antzokian.
Emanaldiak ikustera animatzen diren guztiek mimo handiz prestatutako hurrengo egitarauaz gozatzeko aukera izango dute:
Abenduare 21ean, asteartea, kontzertua 19:00etan izango da Lizeo Antzokian eta bertan, Ganbara Talde batek, Orkestrak eta Banda Sinfonikoak parte hartuko dute.
Abenduaren 22an, asteazkena, berriz, Musika Eskolak bi emanaldi eskainiko ditu: lehena, 19:00etan Elai-Alai Aretoan, bertan, Orkestra Txikia, Gitarra Orkestra, Akordeoi Taldea, Ganbara Taldeak , Piano Bakarlariak eta bikoteak arituko dira; bigarrena, aldiz, 20:00etan, Lizeo Antzokian izango da Musika Eskolako Konboen eskutik.
Honetaz gain, abenduaren 22an , ere, 17:30ean hasita, Musika Eskolako Trikitixak, Panderoak eta Txistulariak ibiliko dira herrian zehar, kalejiran, Eguberriak alaitzen.
