Ihazko udan haurrentzako Liburutegiak izan zuen arrakasta ikusita berriro jarri dugu martxan eta irailera arte mantenduko dugu. Osasuntsuago eta atsegiñago izango da herriko plazan irakurketaz gozatzea.
Ordutegia
Astelehenetik ostiralera: goizeko 10etatik, 13,30etara. da zabalik.
Liburutegiak bere ohiko zerbitzua ematen jarraituko du barruan.

Bidearen amaieran lanak, aita bat eta bere semea ditu protagonista; urteetan elkar ikusi gabe egon diren bi gizaseme. Alzheimerrak aitaren bizitza menderatzen duen bitartean, Drag Queen baten ibilbide profesionalak semearena definitzen du. Ordurarte, distantziak, gorrotoak eta gaitzespenak markatu dute haien arteko harremana. Baina, ahaidetasunaz ulertzen ez duen patuak bata eta bestea aurrez-aurre topatzera eramango ditu; jada ez dago atzera egiterik. Biek beldurrez edo zorionez amestu izan dutena gertatzear dago. Bidearen amaieran, kalerako endreduzko komedia bat da, hau da, vodevil emozional bat. Ez dugu soilik protagonisten arteko akats eta bizipen komikoz jositako komedia arin baten aldeko apustua egin. Ikus-entzulegoaren barrea eragiteaz gain, ikuskizun honetan emozioetan sakondu eta gogoeta egitea proposatzen dugu.

Ari nagusiari, hau da, 20 urtetik gora elkar ikusi gabeko aita-semeen arteko topaketa honi bigarren mailako beste hainbat trama gehitzen zaizkio; modu argian, umoretsuan eta ziztu bizian igaro eta ustekabeko amaiera batean bukatzen direnak, hain zuzen.

Bidearen amaieran lanean, edozein adinetako publikoarentzat oso ezagunak diren abesti arrakastatsuak erabiltzen ditugu, hala nola, Eurovisionen ezagun egin direnak. Kasu honetan, ezaugarri honek garrantzi handia du, izan ere, Pedro eta Pedrin gure protagonistek amankomunean duten ezaugarri bakarra baita. Garai batean, elkarrekin ikusi eta gozatzen zuten telebista-lehiaketa hau, biak ere jarraitzaile sutsuak baitziren. Hortaz, Musika aitaren eta semearen arteko lotura emozionala da, ez distantziak ez eta gaixotasunak ere desegin ezingo dutena, hain zuzen.

BBK Artearen Ibilbidea

La Ruta del Arte BBK Artearen Ibilbidea dibulgazio artistikorako programak ibilbide berri bati ekingo dio Bizkaian. Proposamenaren gai nagusia emakumeek museoko bilduman duten presentzia da, artista eta irudikapen gai gisa. 2018tik aurrera, BBK Artearen Ibilbidea programak Bilboko Arte Ederren Museoko bildumaren aberastasuna eta kalitatea zabaltzen ditu bere aretoetatik harago, eta, aldi berean, herritarrak artera hurbiltzeko aukera errazten du. Oraingo honetan, helburu nagusi horri gehitu zaizkio emakumeak artean duen rola ardatz duten 40 artelan.

Erakusketa horren hirugarren edizioa izango da, eta kalitate handiko artelanen erreprodukzioak jarriko dira espazio publikoetan, BBKren eta museoaren ekimen bateratuari esker, eta hurrengo hilabeteetan (maiatzetik azarora) erakusketa jasoko duten Bizkaiko 26 udalerrietako udalen lankidetzari esker.

XV. mendean hasi eta gaur egunera arteko kronologia ardatz hartuta, margolanak, marrazkiak, kartelak eta argazkiak biltzen dira erakusketan. Horiek guztiek aukera ematen dute, alde batetik, artearen historian emakumea irudikatzeko izan diren moduei buruz hausnartzeko, eta, bestetik, deskubritzeko XIX. mendearen amaieratik aurrera, emakume artistek beraiek eman izan dutela, konbentzionalismoen kontra, munduaren eta bere buruaren ikuspegia.

Miriam Alzuri Museoko Arte Moderno eta Garaikideko kontserbatzaileak egin du proiektua, Hezkuntza eta Kultura Ekintza Saileko María Victoria Antoñanzasekin eta César Ochoarekin lankidetzan.

Erreprodukzioekin batera, dagokion iruzkina agertuko da (euskaraz, gaztelaniaz, ingelesez eta frantsesez). Iruzkina doan eskuratu ahal izango da QR kode baten bidez, zeinak aukera emango baitu audio-fitxategiak gailu mugikorretan deskargatzeko. Bestalde, Hezkuntza Sailak doako bitartekaritza-programa bat jarri du abian, erakusketa ikustera hurbiltzen diren kultura-elkarteei bisita gidatuak egiteko eta bisitarien kontsultei erantzuteko.