"BLASTER M ROCK", Kontzertua

Blaster M 2013an sortu zen Josu Mendiola abeslaria eta Lander Madariaga kitarra jolea batu zirenean. 2014an Unai Markina bateria jolea batu zen eta Mikel Arriagaren laguntzaz (baxuan), taldea prest zegoen taula gainean aritzeko. 2014ko irailean jo zuten lehen kontzertua eta 2014-2015 urteetan hainbat kontzertu eskaini zituzten Bizkaian.
Hasiera sutsua izan zuten arren, taldekideen lan-ikasketa egoeraren eraginez, bi urte iraungo zituen geldiunea izan zuten (2016-2017).
2018an Aritz Larruzea sartu zen taldean Arriagaren ordez eta taldeak bultzada berri bat hartu zuen. Urte berean, estudio lana prestatu eta abenduan KortuRec estudioan sartu ziren single bi grabatzeko.
2019ko maiatzean “Gorroto Girl” singlea kaleratu zuten bideoklip formatuan eta zuzenekoetarako prestatu ondoren, hainbat kontzertu eman zituzten. Kontzertu horien harira, estudioko lana zabalzteko aukera izan zuten eta 2019ko abenduan KortuRec estudiora bueltatu ziren, beste hiru abesti grabatuz.