"PHOTOKALEAN 2023", Kale erakusketa
Gertaeraren xehetasunak
Covid-19aren pandemia betean, 2020ko uztailean, Photoka Gernika-Lumoko Argazkilaritza Elkarteak argazki erakusketa bat antolatu zuen herrian zehar. Elkarteko bazkideen lanak jarri zituzten ikusgai, eta herriko kaleak erakusketa areto bihurtu zuten. Ekimen honek sari bat jaso zuen: Hemendik Saria. Ekain honetan, Photokak berriro eutsiko dio ekimenari, Gernika-Lumoko Kultur Etxearekin eta Gernika-Lumoko Udalarekin elkarlanean, laugarren edizioa antolatuz.
Photokalean 2023 programak 30 argazki ditu formatu handian, gai librea erabiliko dute eta argazkiak Photoka Elkarteko argazkilari gernikarrenak izango dira. Ekainaren 10etik 24ra bitartean ikusgai egongo dira, herri osoan banatuta.
Ekitaldi honen helburua argazkigintzaren artea kalera ateratzea da; izan ere, errazagoa egiten du jendea kulturara hurbiltzeak kaleetan barrena paseatu ahala. Ekimenak funtzionatzen du eta gernikarrek eta gure herriak jasotzen dituen bisitariek gustuko dute frogatuta dagoen bezala.
