"EL AMOR NO SE REPRODUCE EN CAUTIVIDAD", Erre Produkzioak

Maitasuna harrapatu dugu, giltzapetu dugu, entzerratu. Beldurrengatik, jeloskortasunagatik, zuhurtziagatik eta, batez ere, beharragatik, gizarte-egitura ugalketa-bikote egonkorraren oinarrian dagoelako. Arrazoi askorengatik kartzelaratu dugu, bat ere ez maitasunaren benetako bultzadarekin benetan zerikusia duen ezerengatik, desiraren legeari baino ez baitio erreparatzen. Maitasuna animalia basatia da, ez da gatibutasunean ugaltzen. Moldaera egokidun kasu bakan batzuetan, maitasun heziak zoriona ematen du. Beste batzuetan onarpen etsi bat izaten da, bikoteak harmonia erlatiboan bizi dira, eta, agian nostalgiaz, lehen beste ezertan pentsatu gabe elkar kiskaldu arte erakartzen zituen sua pixkanaka itzaltzen joaten da. Hori kasurik onenean gertatzen da. Gainerakoan… Eta horrela gertatzen da gure bizitza pribatua. Hain urrun naturatik, lege gupidagabetik, eta askotan krudeletik, desiratik. Hain etxekotua. Hain kontrolatua. Hain gizatiarra