Ekintzen egitaraua

Segundo Olaeta Musika Eskola Publikoak, ikasturtean zehar zentruko urteko plangintzan sartzen diren ekintza ugari antolatzen ditu. Ekintza hauek, eskolan bertan zein kanpoan burutzen dira eta hauen bidez , honako helburuak lortu nahi ditugu:

  • Ikasleari jarduera horietan aktiboki parte hartzeko aukera eskaini.
  • Ikaslea motibatu, bere ahalegina baloratuz.
  • Ikaslea “entzuten jakitea” duen garrantziaz jabetzea “berari entzuteak” duen garrantzia ere kontutan izanik.
  • Herriari gure lana erakustea, gure eskaintzarekin herriko Kultur egitaraua aberastuz.

Musika Eskolako ekintzen programa ondorengoa da.

  • Entzunaldiak, hiru hilabetero Lizeo Antzokian eta Elai-Alai Aretoan: koruko entzunaldiak, taldekoak zein bakarkakoak (musika tresna).
  • Barne entzunaldiak Musika Eskolan bertan.
  • Kale animazioa: Euskal Jaia urrian, Gabon kantak, eta abar.
  • Santa Zezilia eguneko Kontzertu berezia azaroan.
  • Ekitaldi ugari herriko talde kultural ezberdinekin elkarlanean: Kandelerio eguna, Eguen Zuri (Aratusteetan), eskolarteko Dantzari Eguna, Urdaibai kantegunea, eta abar.
  • Ongintzazko entzunaldiak.
  • Bakearen doinuak “ kontzertua. Gernikako bonbardaketaren urteurrenean .
  • Gernika garretan” antzezpenean parte hartu herriko kaleetan zehar.
  • Berbalagun taldeak Pasealekuan antoaltzen duen urteroko erromerian Fanfarrearen partaidetza.
  • Ikasturte amaierako Kontzertu bereziak: Some Rocker’s eta Rock&Band.San Juan Ibarra Plazan.
  • Hirugarren adinekoentzat kontzertuak Kaltzada Egoitzan.
  • Kontzertuak Euskal Herria Museoan.
  • Musikaldia eta Musikalean ekitaldietan parte hartu Autonomia Erkidegoko Musika Eskolen Federakuntzak antolatutako festibalak.
  • Kontzertu pedagogikoak eta Masterclass klaseak.
  • Elkar trukeak beste Musika Eskola, Erakunde eta Udalerriekin, Euskal Herrikoak zein kanpokoak.