‘Carencias y retos de la convivencia en Euskadi”(K. Aulestiaren berbaldia) eta ‘GESTO’ dokumentala Gernika-Lumon.
Abenduaren 10ean, martitzenean, Giza Eskubideen Aldarrikapenaren 76. urteurrenaren egunaren bueltan Gogoan, por una memoria dignak ekitaldi bi antolatuko dauz Gernika-Lumon. Abenduaren 10ean, martitzenean 18:30ean Kultur Etxean, Kepa Aulestiak berak idatzitako “Una comunidad decente: carencias y retos de la convivencia en Euskadi” (2023) liburuaren harira gauzatuko dau berbaldia, batez be bizikidetzan zeintzuk diran eskasiak eta erronkak, memoria, politika, zoru etikoa, indarkeriaren deslegitimazinoa…. aztertuko dabezala.
Bizikidetza gizakiaren inteligentziaren ezaugarria da, eta berez gizaki bihurtzen gaituana. Euskadin bizikidetza hamarraldi luzeetan terrorismoaren egundoko intolerantziagaz aurrez aurre jarri da; ETAren amaierak komunidade desberdina bihurtu dau. Hainbeste urtetan eragindako kalteen justigikazinoa oraingoz gure artean hor dago eta horrek berak Dakar euskaldunak ezin dabela memoria demokratiko bera partekatu. Beharbada zulo horregaz bizi beharko dabe betiko, halanda ze derrigorrezko ahanztura berez-berez etorriko da. (Kepa Aulestia. “Una comunidad decente” 2023)
Abenduaren 11n, eguaztenean, 19:00etan Elai Alai aretoan Gestoari buruzko “GESTO” izeneko dokumentala proiektatuko da. Dokumentalaren osteko berbaldian Galo Bilbao eta Itziar Aspuru edukiko doguz lagun. Ekitaldi hau Gernikaldea-Pastoral Barrutiagaz batera antolatu dogu. Sarrera librea aforoa bete arte. “Gesto” 30 urtez Euskal Herrian bakearen alde eta indarkeriaren aurka behar egin eban euskal bakezaletasunaren memorian zehar egindako bidaia da. “Gesto por la Paz”-eko pertsonaia nagusiak iraganeko irudiak bistaratu bitartean, erakunde bakezale honen oinarriak, ekintzak eta printzipio etikoak gaur egun indarrean dagozala deskubritzeko konbita egiten deutsie ikus-entzuleei.
“GESTO” proiektua Gogoan por una memoria digna taldeak burututako ekimenik garrantzitsuena izan da. Gizartean gertatutakoaren memoriarako ahalegintxua da, atzera begira baino gerora begira dagoan memoria dana, jenteak ondo ezagutzeko zer egin eban erakunde bakezale honek, bere motibazinoa, nortzuk bere partaideak, …