Azarotik aurrera, zine proposamen berri bat izango dugu kultur programazioan. Oraingoan, eta asteburuetako ohiko emanaldi zinematografikoen osagarri gisa, emanaldi bereziak eskainiko dira ostiraletan, hilean bitan.
Programazio berri honek gai eta genero desberdinak aztertzera gonbidatzen duten filmen aukeraketa zaindua dakar, ikusleei ohiko eskaintza kulturala aberasten duen beste zinema mota batez gozatzeko aukera eskainiz.
Azaroaren 1ean Isaki Lacuestak zuzendutako “Segundo premio” filmea emango da eta azaroaren 29an “Crossing” (Levan Akin). Filma guztiak arratsaldeko 20:00ean izango dira.
Interesa duten guztiak gonbidatzen ditugu Kulturaren web orria kontsultatzera programatutako filmen eta ordutegien berri izateko. Ez galdu herrian zinemaz gozatzeko aukera berri hau!
