Azaroaren 22ko Santa Zezilia musikarien egunari lotuta, Segundo Olaeta Musika Eskola Publikoak kontzertu berezia prestatzen ari da. Honekin emango dio hasiera 2023-24 ikasturteko kontzertu berezien zikloari, Santa Zezilia Kontzertua izango da ziklo honetako lehena.
Musikariekin eta musikagaz gozatzeko hitzordua Lizeo Antzokian izango da azaroaren 21ean, martitzena, arratsaldeko 19:00etan. Besteak beste, eta ohiko den bezala, Banda Sinfonikok, Harizko Orkestrak, 5 eta 6 urteko ikasleak, Haize Ensenbleak eta Ganbara Musikako talde ezberdinak parte hartuko dute. Guztira, Musika Eskolako musikariekin ordu betez gozatzeko aukera ezin hobea egongo da.
Eguna: Azaroak 21, martitzena
Ordua: 19:00etan
Tokia: Lizeo Antzokia
Sarrera: doan
