Aurreko urtean izandako arrakasta ikusita, Segundo Olaeta Musika Eskolako ikasle eta irakasleek “Herri Herri” kontzertu ziklo berri bati ekingo diote datorren astean, eta Muxika, Busturia, Forua eta Gautegiz-Arteaga bisitatuko dituzte.
Berriz ere, musika eta magia uztartuko duten kontzertu berezi hauetan eskolako bi Orkestrak, Ganbara-taldeak eta Julen Magoa parte hartuko dute.
Hurbiltzen diren guztiek garai eta estilo ezberdinetako musikaz beteriko errepertorioa entzuteko eta disfrutatzeko aukera izango dute: Bach, Beatles, Ken Zazpi, Billie Eilish… Adin guztietako jendearentzako aproposak izango diren kontzertuak prestatu dituzte.
Prest dute lehenengo bi kontzertuak zikloari hasiera emateko:
- MUXIKAN martxoaren 7an, osteguna, Ariatzako elizan arratsaldeko 19:00etan. Sarrera doan.
- BUSTURIAN martxoaren 19an. asteartea, Altamirako Kultur Etxean arratsaldeko 19:00etan. Sarrera doan.
Honekin batera, Musika Eskolaren asmoa, halaber, maiatzean eta ekainean Forura eta Gautegiz-Arteagara joatea ere bada.
