Larunbatean izan zen aurtengo Txelo Topaketa Mungiko Udal Musika eta Dantza Eskolan eta, nola ez, Segundo Olaeta Musika Eskola ere ordezkatuta egon zen. SOMEtik Celloko Arantza E. irakaslea, Alaia P., Beñat A., Kattalin B. eta Ainhize A. ikasle-taldearekin batera joan zen topaketara. Egun osoko iraupena izan zuen goiz eta arratsaldeko saioetan banatuta, eta Marta Roma irakasle gonbidatuaren eskutik lanketa ezberdinak burutu zituzten: goizean Master Klas bi eta arratsaldean Musika Eraikitzen eta Kontzertuak Txelo Orkestra MMUK eta Nora Olanoren partaidetzarekin.
Emozioz eta laguntasunez betetako eguna izan zen. Asko ikasi zuten gure ikasleak. SOMEtik eskerrak eman nahi diote @mungiamusikadantzari gonbidapenagatik eta , nola ez, Marta Romak, MMUKek eta Nora Olanok egindako lan izugarriagatik.
